ទីបំផុតក្រុមខ្លាំងអេស្ប៉ាញពីរគឺ Atletico Madrid និង Athelic Bilbao បានឈានមកដល់វគ្គផ្ដាច់ព្រ័ត្រពានធំលំដាប់ទី ២ ទ្វីបអឺរ៉ុប Europa League វេលាម៉ោង ១: ៤៥ នាទី រាត្រីនេះហើយ។ ក្នុងការបង្ហាញថ្វីជើងដាក់គ្នានេះ តើក្រុមណានឹងក្លាយជាម្ចាស់ជើងឯកពានដ៏ធំនេះ?
ចំពោះក្រុម Atletico ខ្សែបម្រើកណ្ដាល Tiago Mendes មិនអាចបង្ហាញខ្លួនជួយដល់ក្រុមបានឡើយដោយសារទទួលបានកាតក្រហម ក្នុងការប្រកួតជើងទី២ នៃវគ្គពាក់កណ្ដាលផ្ដាច់ព្រ័ត្រកន្លងទៅ។ ស្របគ្នានេះ ខ្សែបម្រើសញ្ជាតិអេស្ប៉ាញ Gabi ត្រូវគេរំពឹងថា នឹងត្រូវដាក់ឲ្យលេងជំនួស ខណៈកីឡាករ Luis Perea អាចចូលលេងវិញបានក្រោយពីសម្រាកព្យាបាលរបួស។ ខ្សែការពារកណ្ដាលដ៏សំខាន់ Silvio នឹងត្រូវអវត្តមាន តែទោះជាយ៉ាងណា ប្រធានក្រុម Antonio Lopez បានជាសះស្បើយទាន់ពេលវេលាផងដែរ ហើយអាចនឹងចូលលេងនៅយប់នេះបាន។ ដោយឡែក អ្នកចាំទី Fran Merida មិនមានសិទ្ធិចូលលេងទេក្នុងប្រកួតនេះ។
ស្តាតទាត់វគ្គផ្ដាច់ព្រ័ត្រ
ងាកមកមើលក្រុម Bilboa វិញ ខ្សែការពារ Fernando Amorebieta អាចធ្លាក់ការធ្វើតេស្តដោយសារការពិនិត្យរបួសកំភួនជើងយឺតយ៉ាវ ហើយបើសិនជារួបគេធ្លាក់ការធ្វើតេស្តនេះមែន Javi Martinez នឹងត្រូវគ្រូបង្វឹកដាក់ឲ្យលេងជំនួសវិញ។ ទោះជាបែបនេះក្ដី ខ្សែប្រយុទ្ធដ៏មុតស្រួចពីររូបដែលអវត្តមានក្នុងការប្រកួតក្រប ខណ្ឌ La Liga កាលពីចុងសប្ដាហ៍កន្លងទៅគឺ Fernando Llorente និងIker Muniain នឹងមកជួយក្រុមនាការប្រកួតផ្ដាច់ព្រ័ត្រ ក្នុងប្រទេសរ៉ូម៉ានីនេះ។
នៅមុនការប្រកួតដដែលនេះ គ្រូបង្វឹករបស់ Atletico លោក Diego Simeone បាននិយាយសរសើរគូប្រកួតរបស់ខ្លួនថា “គេ (Bilbao) ជាក្រុមមួយដែលមានឆន្ទៈខ្ពស់ និងក្បួនលេងខ្លីៗ រហ័សៗ ដែលពួកគេអាចលេងបានយ៉ាងល្អនៅគ្រប់ការប្រកួត។ ពួកគេធ្វើបានយ៉ាងល្អបែបនេះពេញមួយរដូវកាលផងដែរ។ ខ្ញុំស្គាល់ច្បាស់ថា ពួកគេ ទាំងកូនក្រុម និងគ្រូបង្វឹកនឹងមិនបន្ធូរឡើយមិនថា ជាការប្រកួតមិត្តភាព ឬ ផ្ដាច់ព្រ័ត្រឡើយ”។ ដំណាលគ្នានេះដែរ គ្រូបង្វឹករបស់ Bilboa លោក Marcelo Bielsa បានសម្ដែងជំនឿចិត្តយ៉ាងមុតមាំថា “យើងមានសង្វាក់លេងដ៏ល្អ។ មិនចំពោះថា យើងចាញ់ ឬឈ្នះនោះទេ យើងនឹងខិតខំឲ្យអស់ពីលទ្ធភាពដើម្បីប្រិយមិត្ត”។
0 comments To "Atletico ឬ Bilbao ជាជើងឯកយប់នេះ?"
Post a Comment